Paluan Kong Mahal....

Ang nakakatuwang picture na signboard sa harap ng munisipyo namin (5 years ago pa 'yan and until now - ganun pa rin!)

Kilala naman ako ng mga kababayan ko sa buong Paluan, Occidental Mindoro sa pangalan ko pa lamang at sa apelyido na kalat na kalat sa buong bayan. Maybe nakilala ako ng iba dahil sa nakaraang Leksyon at mas marami naman ang nakatanda sa pangalan ko (for sure) bilang isang Editor in Chief ng CYMBO - Official Newspaper of Paluan Catholic Youth in Action Inc. na aktibo noon sa paglathala ng mga balita sa bayan namin. Nag-iisa lang ang CYMBO sa bayan namin.

So sad hindi na ito nagcicirculate ngayon for the reason that hindi na kasi ganoong aktibo ang mga sumunod na mga members ng PCYA Inc. sa amin. Kami kasi ay napunta na sa Manila para mag-aral at sa tuwing bakasyon na lang kami nakakauwi. Malungkot pero ganun talaga.

Pero magkagayun man, hindi pa rin ako tumitigil sa pagsulat ng mga saloobin ko tungkol sa aming maliit na bayan. Kaya kahit nasa Magdalo (Official Publication of Emilio Aguinaldo College Students) na ako ngayon ay isinisingit ko pa rin kahit mga poems or stories about sa bayan namin.

Maraming pinagmamalaking mga tanawin ang bayan namin.
  • Unang-una na ang Calawagan River Resort (The Calawagan River in Paluan was adjudged the cleanest river in the country for the second straight year - 1998);
  • Pati na rin ang Mount Calavite (Known as one of the two remaining areas where tamaraw [Bubalus mindorensis] could be found in the wild (the other being Mts. Iglit-Baco), this mountain is a haven of biodiversity - one of the few places in the Philippines where hikers have a good chance of seeing animals such as wild boar, deer, and yes, even the tamaraw, roaming on its grassy slopes) na naakyat na ng ilang mga Pinoy Mountaineers;
  • Mainit Hot Spring (Hindi ko na naririnig);
  • Ibat-ibang waterfalls - Batinglay Falls (Unahan ng Calawagan) -Bisay Falls (sa Baranggay Marikit) -Atuyan Falls -Calawagan Mini-Falls Crystal Clear River;
  • Ignonok White beach;
  • Mga diving sites like Igsuso Reef -Mahabang Buhangin Reef -Marikit Reef -Ignonok Reef Different Marine Species, Coral Reefs

At sa mga lugar na iyan ko dadalhin ang magiging bisita ko na kasama ko bukas pauwi ng Mindoro! 3 silang nagrespond sa invitation ko sa pag-uwi ko sa Mindoro. Sana ay magawa naming puntahan ang mga iyan.

At iba pang maipagmamalaki ng buong Paluan, Occidental Mindoro kaso talagang hindi pinag-uukulan ng pansin ng mga opisyal sa amin. Kung meron mang pansing ibinibigay, sa palagay ko ay kulang ito. KAsi sa tuwing uuwi kami at magbabakasyon, kung hindi man nagbago ang lugar for good, devastated ito.

Ipinost ko nga sa I Love Paluan Blog ang isang puna ng isa ring Blogger from our town na Paluan – The Sleeping Town para mabasa ng mga taga-munisipyo sa amin. Sad to say, hindi pala kasi walang internet connection sa buong bayan namin dahil nagloloko ang Smart Bro for almost 3 months now.

Calawagan River Resort - Madalas puntahan ng mga bakasyunista sa amin

Mount Calavite

Nagkaroon ako ng post na nag-iinvite ako sa bayan namin (An Invitation) at 3 ang nagtext sa akin na willing sila na sumama sa akin to experience Paluan kahit papaano. I hope mag-enjoy sila para maganda ang feedback.

**********

Last Sabado de Gloria nga pala ay nagkaroon ng Blowout ang friend naming si Jesus Capinpin kasi grumaduate siya sa Far Eastern University - Morayta as Magna Cum Laude (B.S. Accountancy). Syempre full force ang barkada namin sa pagbati sa kanya.



see more pictures at my multiply site


CONGATULATIONS JESUS!
post signature

23 comments:

Let's Laugh at the Signs!

Naging busy ako this past few days kasi nagduty ako sa Ospital ng Muntinlupa (OsMun) tapos ngayon ay sa St. Dominic Medical Center sa Cavite. Pero hindi naman ako nawawalan ng ipopost sa blog kong ito.

Like dun sa ipinost ko na before na I Saw the Signs! na mga nakita ko sa Divisoria noong namili ako at ang I Saw the Signs Again! na mga collectionas naman ng mga nakakatuwang brands na napicture-an ko, ito naman ang mga sari-saring pictures na nakasave sa phone ko na nakuhanan ko sa ibat-ibang lugar na napuntahan ko.

at the school canteen.... Bibili ka ba? Titikim?

at PRC Makati : That's "MOTOR ONLY"!

at Petron Pedro Gil : Okey! Flush the CR after use.

at NE Mall Cabanatuan : Very singular!

at PAKSNET near the school : okey... "NO PRINT"


So this must be WINSTON + MARLBORO = Winnsboro? LOL!

at Alabang, Muntinlupa Municipal Hall - That's SO GOOD!

school post : Very nice! Kaya nga ako napagalitan kasi kununan ko pa ng picture eh!

at RITM CR.... Peace tayo!

Well, wala lang naman talaga akong magawa! 'Yan na 'yun e! Hindi naman ako sa mapanghusga pero admit it na nakakatuwa naman talaga. Kahit saan ka kasi talaga tumingin at mayroong ganyan .

May mga taong sinasadya talagang gawin ang mga iyan at may mga taong iyan lang talaga ang alam. At ako? Hindi naman ako mapanglait, mahilig lang talaga akong magkolekta ng mga ganyang signs. Hehe!

post signature

32 comments:

A Night at Boso-Boso Highlands Resort and Convention Center


Biglaan ang pagpunta ko ng Boso-Boso sa friends ko na sina Mike at Jiro. Matagal na pala silang nagplano pero hindi nila ala kung sino ang isasama. It just happened na nangumusta ako sa kanila thru text and they asked me if available ako sa araw na iyon.

Nagsuggest pa nga ako na sa Hinulugang Taktak na lamang kami pumunta kasi hindi pa talaga ako nakakarating doon pero sabi nila ay hindi pa raw maganda roon at may ginagawa pa. So sa Boso-Boso talaga kami.

Swerte kasi wala akong gagawin ng araw na iyon kasi wala pa kaming pasok kaya naka-oo ako. Gamit namin ang kotse ni Mike papuntang Boso-Boso. Dala-dala rin namin ang mga lutong pagkain na dala ni Jiro. Kagagaling ko lang sa isang straight duty noon kaya hindi ko alam kung makakapag-enjoy ako doon.


Hapon na kami nang nakarating sa Boso-Boso Highlands Resort and Convention Center sa Sitio Cabading Brgy. San Jose Antipolo City Rizal. Sobrang ntraffic kami papunta sa may Cogeo at hindi rin naman pala alam ni Mike (the driver) kung saan ang Boso-Boso. Ang resort na ito pala ay 32-hectare at almost 3/4 nito ay forest talaga.

Unang pinuntahan ko ang mga pool since gusto ko laging magswimming. Nice naman ang pool at siguradong mag-eenjoy ako!

4-5ft na pool nila...


This is the kiddie pool.

Pool sa ibababa. 4-5ft din ito.

Syempre, sa hotel/lodge ng Boso-Boso kami naghanap ng roon for 1 night para naman maganda ang tulog namin. Since isa naman sa mga reasons namin kaya kami pupunta dito ay para makatakas sa napaka init na Maynila.

Sa kanilang dalawa na kasama ko, una akong naligo hanggang 9pm at kumain na kami ng sabay-sabay. After kumain ay nakaramdam ako ng antok kaya nagtoothbrush na ako para naman in case na talagang hindi ko na kaya ang antok ay derecho na akong matulog.

Ako sa harap ng hotel...

Ang masarap na tulugan...

Ang ending... Nakatulog na ako ng derecho. Well, ang lamig naman kasi at presko ang hangin pero nag-aircon pa rin kami. Hanggang sa magising ako kinabukasan ng 9am.

It's time to go na pala. Tawa sila ng tawa sa akin kasi ang lakas ko palang mag-snore! Though hindi ko masyadong naenjoy ang Boso-Boso Resort na ito, nag-enjoy naman ako sa pagtulog. At least nakabawi ako sa ilang araw ko ng duty at walang pahinga. Para kasing nasa probinsya ka lang sa amin sa Mindoro kaya ganun.


More adventures to come this summer. Hopefully marami pa akong mga friends na madagdag sa list ko. Hehe!

Ill be going back to Mindoro this April 30, 2009 (Thursday night) at ang alis ng Mindoro pabalik ng Manila ay sa May 1, 2009 (Saturday night). Sa mga gustong sumama, pwede ninyo akong imessage dito. Thanks!

post signature

17 comments:

Semana Santa sa Paluan 2009

Nakauwi nga ako last Sunday (April 5, 2009) sa Paluan, Occidental Mindoro para doon mag spend ng Holy Week with my Mom. This time, dalawa na lang kami kasama ang kasambahay namin na si Jonalyn na isang Mangyan.

Since wala naman akong nainvite this time unlik last year, wala akong masyadong iisipin at iintindihin ngayon. Nagkaroon ako ng invitation a week before ako umuwi pero mukhang late na kaya ganun. Hehe! Well, kwento ko na lang sa inyo ang mga karanasan ko sa Mindoro at saka ang mga nakuhanan ko ng pictures sa bayan namin.

First day ko pa lang noong Monday sa Paluan ay talagang may nagpepenitensya na akong naabutan. Mga pinsan ko, mga kaibigan at mga kamag-anak ko ang pinicture-an ko talaga ng husto sa kanilang pagpepenitensya. Taon-taon na kasi nila itong ginagawa.

Pinsan ko noong Monday nagpenitensya.

Close ko na pinsan na mas bata pa sa akin ng 3 taon pero 2 years na niya itong ginagawang penitensya.

May mga penitensya na sabay-sabay sa pag-ikot sa buong baranggay na magbabarbarkada, magkakaibigan, magpipinsan, or magkakamag-anak....

At meron namang mag-isa lang. Gusto lang niya or wala talagang makasabay.

Every-year rin sana ang Kuya ko nagpepenitensya ng ganito pero wala ngayon. Nasa Dubai na kasi siya pero for sure, kung andito 'yun, sigurado ay unang-una siyang magpepenitensya! Para naman kasi sa kanila, hindi lang basta paraan ang pagsisisi or pagbabayad ng mga kasalanan ang penitensya na ito, nasa kultura na rin kasi ito ng mga taga-Paluan at mga Pilipino na rin.

After ng paglibot ng mga penitensyang ito sa baranggay namin sa kainitan ng araw ay dadaan ang mga ito sa simbahan para lumuhod at manalagin sa Diyos. At pagkatapos noon ay pupunta na sa dagat para magbanlaw at tanggalin ang mga dugo nila sa katawan. Sa dagat sila naglilinis after noon kasi para sa kanila, may disinfectant effect daw ang dagat. (Okey!) Sabagay, wala pa namang reported na kaso ng pagkamatay sa amin dahil lang sa pagpepenitensya.

The other day, tiningnan ko ang kudlitng pinsan ko at talaga namang mabilis matuyo ito. Second na niya ito na penitensya kaya kita pa 'yung naging keloid niya sa pagpepenitensya niya last year. Mayroon namang mga kabataan na sa edad na 16 ay nagpenitensya. Hindi ko alam ang dahilan ng kanyang pagpepenitensya pero for sure may kinalaman ito sa kanyang paggraduate ngayong taon sa highschool.

A day after ng penitensya. Mukhang tuyo na agad.

Mula Lunes hanggang Huwebes ang stations of the cross sa bayan namin. Thrusday lang talaga ang isa sa mga dinarayo kasi ginagawa ito sa Bundok ng Kalbaryo (kung tawagin sa Paluan) na matatagpuan sa baranggay namin sa Lumangyan. Ang stations of the cross kasi dito ay ginagawa sa maliit na buro sa likod ng Simbahan ng St. Joseph the Laborer sa Lumangbayan.

Maganda ang tanawin dito sa burol na ito kasi makikita mo ang buong kabayanan.

Nagiging panata na rin kasi ng iba na sumali sa stations of the cross na ito sa buong bayan.

Buong Lunes Santo hanggang Huwebes Santo ay ang pagpepenitensyang iyon ang mga nakita ko hindi lang sa baranggay namin kundi pati na rin sa bayan. Biyernes Santo naman naglabasan ang ibat-ibang penitensya ng mga taga-Paluan. Kasabay ng libot (parada) ng alas-sais ng gabi sa pagikot ng baranggay Lumangyan.

Mayroong nagbabara-bara. As in pwedeng gumapang, gumulong, tumambling at kung ano-ano pang pwedeng gawing pahirap sa sarili.

Kasabay ng libot ay ang panggapang....

Meron pa ring penitensya sa bagi ng Biyernes Santo... (Pangalawa na niya ito sa buong linggo)

May nagso-soledad... Mga taong naglalakad ng nakabalot sa buong katawan at iniikot ang buong bayan (hindi lang sa baranggay namin) nang nakapaa lang at walang suot na tsinelas or sapatos.

Ang tradisyunal na paglilibing sa aming baranggay ay buhay na buhay pa rin kasabay ang pag-awit sa wikang latin na kanta pa sa sinauna naming mga ninuno. Si Mama Mary naman ay inililibot din kasama sa prusisyon na nakasuot ng itim na damit ng pagluluksa.

Si Mama Mary na nakaitim.

Ang paghalik sa paanan ni Jesus.

Ang prusisyon ng paglilibing...

Meron naman akong naging penitensya this Holy Week. Secret na lang. Hehe! I am now here in Manila, kagabi (Saturday) pa ako umalis ng Mindoro kaya ngayon lang ako nakapag-update.

Happy EASTER SUNDAY sa lahat!

Sana lahat tayo ay nagkaroon ng very meaningful time for God this Holy Week....

post signature

26 comments:

Holy Week in Mindoro

I am here right now in Manila kasi nag-enroll ako for the Summer class. My only subject now is N103 na talagang pang-summer lang. Parang pang completion lang ng duty ang summer kaya puro duty kami at walang lecture.

Duty rotations ko this summer ay ang Ospital ng Muntinlupa (OsMun) sa Alabang near Asian Hospital, St. Dominic Hospital sa Cavite, tapos sa Cavite rin ang Bautista Hospital na kailangan naming magstay-in kasi malayo raw at ang Troywell Lying-In sa Taguig City. 2 weeks kami per rotation namin this summer every Monday to Wednesday kaya every Thursday to Sunday ay pwede akong gumala.

This Sunday night ay babalik na ako sa Mindoro para naman doon magspend ng Holy Week with my Mommy. This coming Saturday kasi ay alis ng Ate ko pabalik ng Dubai at sa Thursday naman ay ang Kuya ang aalis pa-Abu Dhabi naman. Umuwi lang kasi talaga sila rito dahil nga namatay ang Daddy namin. Though malungkot pa rin, kailangan naming maging malakas ang loob at hindi panghinaan for our Mom naman na nasa Mindoro.

Kuha ko ito sa last year sa dalawang nagpepenitensya sa amin.

Well, nag-iinvite nga pala ako ng mga interesado sa place naminsa Paluan, Occidental Mindoro. Try naman ninyo ang Holy week sa bayan namin. Kakaunti lang kasi talaga ang nakakaalam about sa bayan namin kaya nga nagbablog ako kahit papaano tungkol ditto.

Well, hanggang nagyon ay sinauna pa rin ang pamamaraan ng mga taga-Paluan sa pamamanata at pagpepenitensya tuwing mahal na araw. Meron pa ring nagbabara-bara (lahat ay ginagawa sa pagpapakasakit sa sarili), penitensya (may kudlit sa likuran at may dugo), nagbubuhat ng krus, gumagapang, at kung anu-ano pa. Meron ding basahan ng pasyon sa lahat ng baranggay.

Pero ang pinakakakaiba sa lahat… Ang mga kanta rito ay sinauna at latin madalas. Sad to say na ‘yung mga katatandaan na lang ang may alam basahin ang mga kantang iyon. Hopefully naman ay maituro ng mga katatandaan iyon sa mga kabataan ngayon para magamit pa sa mga susunod na henerasyon.

This is the new hanging bridge of Calawagan River Resort.

Ito naman ang maliit na falls sa Calawagan.

Well, tagabalat lang naman ako ng buko sa amin.

If ever man na may uok (exotic food ng Paluan, Occidental Mindoro) ay patitikimin ko kayo. Sana merong manguha na Mangyan sa bundok.

Sa mga interesadong sumama sa akin, you can call or text me (+639279074641 Globe or +639236100888 Sun Cellular). P2,000 is enough – back and forth. Sa bahay naman kayo tutuloy if you want at talagang magugustuhan ninyo ang place. Matutuwa kasi ang Mom ko kapag may bisita kami since siya na lang at ‘yung kasambahay naming mangyan ang tao ‘dun. And for sure makikilala mo at matutuwa ka sa kabaitan ng kasama naming sa bahay na mangyan. Siya ang katulong ng Mom ko sa lahat ng Gawain sa bahay.

post signature

15 comments: